मङ्गलबार, २३ असार २०७७
samadhannews
nepal telecome

क्वारेन्टाइनमा बस्नु पर्ने ३ हजार बढी स्याङ्जाका गाउँ गाउँमा

बुधबार, १२ चैत २०७६
34370 पटक पढिएको

समाधान स‌ंवाददाता

सरकारले पछिल्लो समय वदेशबाट आउने जो सुकैलाई कम्ती १४ दिन क्वारेन्टाइनमा बस्न भनेको छ । भारत लगायत विदेशमा कोरोना भाइरसको संक्रमण बढ्दै गएपछि नेपालमा फैलनबाट रोक्न यसो भनिएको हो । उनीहरु आफ्नै घरमा क्वारेन्टाइनमा बसे पनि परिवारका सदस्यसंग समेत भेटघाट गर्नु हुँदैन ।

पछिल्ला केही दिन यता स्याङ्जा जिल्ला भित्र मात्र तिन हजार भन्दा बढी मानिस विदेशबाट घर फर्केको स्याङ्जाका प्रमुख जिल्ला अधिकारी रामबहादुर कुरुङवाङले समाधान अनलाइनलाई बताए । तीमध्ये अधिकांश भारतमा कोरोना विस्तार हुन थालेपछि घर फर्किएका हुन भने केही अन्य मुलुकबाट आएका छन् ।

‘उनीहरु सबैलाई क्वारेन्टाइनमा राख्नु पर्ने हो, तर त्यो सम्भव भएन ।’ प्रजिअ कुर्वाङले भने– घर घर पुगिसके । घरमै क्वारेन्टाइनमा बसेका छौंं भनेका छन् । घरमा क्वारेन्टाइनमा बस्नेहरुले क्वारेन्टाइनमा बस्दा अपनाउनु पर्ने सतर्कता नअपनाएको प्रमुख जिल्ला अधिकारीले बताए । विदेशबाट आएकाा घर बाहिर त निस्केका छैनन, तर परिवारको सम्पर्क भन्दा टाढा पनि छैनन्, यसो हुँदा यदी कोही संक्रमित रहेछ भने गाउमा फैलनबाट रोक्न सकिदैन ।

गाउमा स्वास्थ्य सामाग्री नभएका कारण आफुहरु निरिह बन्नु परेको स्थानीय जनप्रतिनिधि बताउछन । ‘क्वारेन्टाइनमा राख्ने कक्ष त बनाएका छौं, तर त्यहाँ काम गर्ने स्वास्थ्यकर्मीलाई दिनु पर्ने तापक्रम मापन गर्ने यन्त्र, एप्राृेन पञ्जा समेत हामीसँग छैन, किन्छौं भन्दा पनि पाइन्न ।’ आँधिखोला गाउ पालिकाका अध्यक्ष सुधिर पौडेले भने । उनले प्रदेश सरकारसँग मााग गर्दा पनि त्यहाँ पनि उपलब्ध नभएको बताए ।

सुखद पक्ष चाही अहिलेसम्म विदेशबाट आएका मानिसहरु सामान्य विरामी पनि परेका छैनन् ।

सम्बन्धित खबर