बिहिबार, १५ जेठ २०७७
samadhannews
nepal telecome

बाग्लुङका बालकले अस्पतालमा बेड पाए, इमर्जेन्सीमा भर्ना

शुक्रबार, २१ चैत २०७६
13340 पटक पढिएको

समाधान संवाददाता

ज्वरो र निमोनियाले थलिएका बाग्लुङका ६ बर्षे बालक होमनाथ कँडेलले उपचार पाउने भएका छन् । यी बालकले उपचार नपाएको र खुल्ला चौरमा अलपत्र पारिएको जानकारी समाधानन्यूजले प्रकाशित गरेको थियो ।

उनले बाग्लुङबाट पोखरा आएको १८ घण्टा पछि बल्ल उपचार पाएका हुन । गण्डकी प्रदेश सकार स्वास्थ्यय तथा समाजिक विकास मन्त्रीका पिए प्रकाश पौडेल समाचार बारेमा चासो दिदैं ओषधी नपाएर अलपत्र परेका बालकलाई पोखरा स्वास्थ्य विज्ञान प्रतिष्ठान मै भर्ना गर्न पहल गरेका थिए ।

‘समाधानको भिडियो र समाचार हेरेपछि म सिधै अस्पताल गए र अस्पतालका निर्देशकसंग कुरा गरेर इमर्जेन्सीमा भर्ना गराए ।’ पौडेलले समाधानन्यूजसंग भने– म अस्पताल पुग्दा पनि उनीहरु तपाईले देखाएको भिडियोमा जसरी बसेका थिए, त्यही अवस्थामा थिए ।

अब उनलाई अस्पतालबाट ननिकालिने पनि उनले दावी गरे । चिकित्सकहरुले स्वास्थ्य जाँच गरेको र कोरोनाको आशंकामा स्वाब संकलन गरेर परिक्षण गरिने पनि उनले बताए । बालकलाई विहिबार राती मणिपाल शिक्षण अस्पतालले निकालिदिएको थियो ।

सम्बन्धित खबर