बिहिबार, १५ जेठ २०७७
samadhannews
nepal telecome

विपन्न परिवारका लागि थर्पु युवा क्लबको राहत

शुक्रबार, २१ चैत २०७६
1850 पटक पढिएको

समाधान संवाददाता

तनुहँको थर्पु युवा क्लवले म्याग्दे गाउँपालिकाको थर्पु बजार क्षेत्रमा रहेका दैनिक ज्यालादारी मजदुर तथा न्युन आय भएका परिवारका लागि राहत खाद्यान्न सहयोग गरेको छ । कोरोना भाइरसका कारण भइरहेको लकडाउनका कारण दैनिक गुजारा चलाउन समस्या भोगिरहेका बजार क्षेत्रका न्यून आय भएका परिवारका लागि सहयोग गरेको हो ।

क्लबमा आवद्ध युवाहरुको सहयोग र सक्रियतामा भाडामा बस्ने र दैनिक ज्यालादारी तथा मजदुरी गरेर जीवन धान्न विवश कठिन अवस्थाका परिवारलाई सहयोग गरिएको क्लबका अध्यक्ष विष्णु नेपालीले जानकारी दिए । ४५ हजार बराबरको खाद्यान्न सहयोग गरिएको उनले बताए ।


३८ घर परिवारलाई १० दिनलाई पुग्ने चामल, तेल, दाल, तरकारी राहत स्वरुप बितरण गरिएको क्लबका सदस्य सुवोध आले मगरले बताए र्। विश्वनैै कोरोनाका विरुद्ध एकजुट भइरहेका अवस्थामा मानवता प्रर्दशन गर्नु नै अहिलेको आवश्यकता हो’ उनले भने ।

कार्यक्रममा क्लबका पुर्व अध्यक्ष खेमबहादुर नेपाली, सुवेदार अमर थापा, नवराज हमाल, लगायतले विपन्न परिवारका सदस्यलाई खाद्यान्न हस्तान्तरण गरेका थिए । उक्त अवसरमा क्लबका उपाध्यक्ष वीरेन्द्र थापा, सचिव विमला वानिया अधिकारी, कोषाध्यक्ष विशम श्रेष्ठ लगायतको उपस्थिति थियो ।

विश्व यतिबेला कोरोना भाइरससँग जुधिरहेको छ । हरेक दिन कोरोना भाइरसको नया संक्रमण बढिरहेको छ । भाइरसकै कारण मृत्यु हुने को संख्या पनि आधा लाख नाघिसकेको छ । यस विरुद्ध जुध्न नेपाल लगायतका विभिन्न देशमा लकडाउनको अवस्था रहेको छ ।


लम्बिदो लकडाउनका कारण दैनिक ज्यालादारी, न्युन आय हुने परिवारमा सिर्जित असहजतालाई मध्यनजर गर्दै यतिबेला विभिन्न संघसंस्थाले राहत स्वरुप खाद्यान्न सहयोग गर्दै आएको छ ।

सम्बन्धित खबर