मङ्गलबार, २७ साउन २०७७
samadhannews
Bardan Online

मणिपाल पढ्ने श्रीलंकाली विद्यार्थी स्वदेश उडे

शुक्रबार, १२ बैशाख २०७७
21570 पटक पढिएको

पोखरा
मणिपाल कलेज अफ मेडिकल साइन्सेजमा पढिरहेका आफ्ना नागरिक विद्यार्थीलाई श्रीलंकाले शुक्रबार स्वदेश लगेको छ । श्रीलंकन एयरको विमानबाट मणिपालकासमेत गरी ७६ नागरिक उक्त देशले लगेको हो ।

त्रिभुवन अन्तर्राष्ट्रिय विमानस्थलका प्रवक्ता देव चन्द्रलाल कर्णका अनुसार उक्त विमान शुक्रबार १२ बजे कोलम्बोका लागि उडेको थियो ।

श्रीलंकाले केही दिनयता दक्षिण एसियाली मुलुकहरूबाट आफ्ना विद्यार्थीलाई फिर्ता लगिरहेको छ । श्रीलंकाले भारत, पाकिस्तान र नेपालबाट आफ्ना विद्यार्थीलाई लैजाने अभियान चलाएको छ ।

नेपालमा अन्तर्राष्ट्रिय उडान प्रतिबन्ध निरन्तर लम्बिएपछि यहाँ विभिन्न मुलुकका हजारौं मानिस फसेका थिए । उनीहरूलाई सम्बन्धित मुलुकको दूतावासको पहलमा फिर्ता लैजाने क्रमः जारी छ । कोरोना भाइरसको संक्रमण रोकथाम तथा नियन्त्रण गर्ने उद्देश्यले नेपालमा ४ चैतपछि अन्तर्राष्ट्रिय उडान प्रतिबन्ध छ ।

सम्बन्धित खबर