आइतबार, २६ बैशाख २०७८
samadhannews
Sanima Bank New year offer

लकडाउनभर गण्डकी प्रदेशमा ४१ हिंसाका घटना

बुधबार, ०७ जेठ २०७७

समाधान संवाददाता

गण्डकी प्रदेशमा लकडाउनको ५४ औं दिनसम्म ४१ वटा महिला तथा बालिका हिंसाका घटना भएका छन् । अनौपचारिक क्षेत्र सेवा केन्द्र (इन्सेक) ले बुधबार सार्वजनिक गरेको तथ्यांक अनुसार लकडाउनको ५४ औं दिनसम्म प्रदेशभर यत्तिको संख्यामा घटना भएका छन् ।

महिलामाथि २८ र बालिकामाथि १३ हिंसाका घटना भएको इन्सेकले जनाएको छ । महिलातर्फ घरेलु हिंसाका २१, बलात्कारका ४, बहुविवाहका २ र कथित बोक्सीको आरोपका १ घटना भएको तथ्यांकमा उल्लेख छ । यस्तै बालिकातर्फ भने बलात्कारका ७ र यौन दुव्र्यवहारका ६ घटना भएको छ ।

देशभर भने लकडाउनको ५४ औं दिनसम्म ५ सय २ वटा हिंसाका घटना भएका छन् । यो अवधिमा सबैभन्दा धेरै हिंसाका घटना बागमती प्रदेशमा १ सय ५४ वटा घटेका छन् । प्रदेश ५ मा १ सय, प्रदेश १ मा ९१, कर्णाली प्रदेशमा ६३, प्रदेश २ मा ३१ र सुदूरपश्चिम प्रदेशमा २२ वटा हिंसाका घटना भएका छन् ।

सम्बन्धित खबर