बिहिबार, १८ असार २०७७
samadhannews
nepal telecome

लकडाउनमा पनि खुलेको पोखरा–२० तस्बिर

बिहिबार, २२ जेठ २०७७
36330 पटक पढिएको

समाधान संवाददाता
कोरोना महामारीका कारण नेपाल सरकारले चैत ११ गतेदेखि आह्वान गरेको लकडाउन जारी छ । गण्डकी प्रदेश सरकारले भने लकडाउन थालेको झन्डै १ महिनापछि उद्योग र विकास निर्माणका काम थाल्न मापदण्ड बनाएर लागु गर्यो । सरकारले जारी राखेको लकडाउनमा अत्यावश्यक सेवा बाहेक सञ्चालन नगर्न निर्देशन छ ।

प्रदेश राजधानी पोखरामा भने लकडाउनको असर कम पर्दै गइरहेको छ । प्रदेशमा बिहीबारसम्म ५४ जनामा संक्रमण पुष्टि भइसकेको छ । कास्कीमा हालसम्म संक्रमित फेला परेका छैनन् । बिहीबार बागलुङ, पर्वत, म्याग्दी र स्याङ्जामा गरी एकसाथ १६ जनमा संक्रमण पुष्टि भएको थियो ।

पोखराका विभिन्न मुख्य चोकमा सवारी साधनको बाक्लो चाप र पार्किङमा भरमार सवारी देखियो । खाद्यान्नका पसल सञ्चालनमा रहेपनि पोखरामा केही स्थानमा फेन्सी, भाडा पसलहरु नि खुलेका छन् । वित्तीय संस्थामा सेवाग्राहीहरुको थुप्रै लाम देखिएको छ । ढुवानी सेवाहरु सञ्चालनमा आइरहेका छन् । लकडाउनकै बिच सृजनाचोकमा आकाशेपुल निर्माणका लागि बेसमेन्ट बनाउने काम अन्तिम चरणमा पुगेको छ । खानेपानीको पाइपलाइन विस्तारको कामसमेत सृजनाचोकमा भइरहेको देखिन्छ ।


लकडाउन मोडल परिवर्तन गर्नेबारे संघीय सरकारले चर्चा गरेपनि त्यसबारे ठोस निर्णय सार्वजनिक भइसकेको छैन । यसबीचमै पोखरामा लकडाउनको असर भने कम पर्दै गइरहेको छ । लामो लकडाउनका कारण जनजीवन प्रभावित हुँदा स्वतस्फूर्त पसलहरु खुल्न थालेका छन् ।







































सम्बन्धित खबर