सोमबार, २२ असार २०७७
samadhannews
nepal telecome

अमेरिकाः संक्रमित बढ्दै, तर ट्रम्पले चुनावी र्याली गर्ने

बिहिबार, २९ जेठ २०७७
3780 पटक पढिएको

एजेन्सी

महाशक्ती राष्ट्र अमेरिकामा कोरोना भाइरसको संक्रमण थामिने कुनै लक्षण छैन । विहीबार विहानसम्म संक्रमितको संख्या २० लाख ६६ हजार नाघेको छ भने १ लाख १५ हजार बढीको मृत्यु भएको छ ।

तर यही महामारीका बीच अमेरिकी राष्ट्रपति डोनाल्ड ट्रम्पले चुनावी र्‍याली सुरु गर्ने भएका छन् । ट्रम्पले कम्तिमा चार राज्यमा चुनावी र्‍याली गर्ने बताएका छन् ।

अमेरिकाको आगामी राष्ट्रपति निर्वाचनमा ट्रम्पको प्रतिस्पर्धी जो बिडेन छन् । यसै वर्षको नोभेम्बर महिनामा राष्ट्रपति पदको चुनाव हुँदैछ ।

कोरोना संक्रमण सुरु भएपछि तीन महिना अगाडि चुनावी र्‍याली स्थगित गरिएको थियो ।

ह्वाइट हाउसमा पत्रकारहरुसँग कुरा गर्दै ट्रम्पले ओकाहामा, फ्लोरिडा, एरिजोना र उत्तरी क्यारोलिनाबाट चुनावी र्‍याली सुरु गर्ने जानकारी दिए । सम्भवतः सबैभन्दा पहिले आगामी शुक्रबार ओकाहामाबाट र्‍याली सुरु हुने छ ।

सम्बन्धित खबर