सोमबार, २२ असार २०७७
samadhannews
nepal telecome

नेपालमा कोरोना संक्रमित १३ हजार नाघे, २९ को मृत्यु

सोमबार, १५ असार २०७७
1860 पटक पढिएको

समाधान संवाददाता

बितेको २४ घण्टामा थप ४७६ जनामा कोरोना भाइरस संक्रमण पुष्टि भएसंगै नेपालमा संक्रमितको संख्या १३ हजार नाघेको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले सोमबारको नियमित पत्रकार सम्मेलनमा दिएको जानकारी अनुसार पछिल्लो २४ घण्टामा थपिएका मध्ये काठमाडौंका ६ जना छन् ।

नयाँ संक्रमितमा ११२ जना महिला र ३६४ जना पुरुष रहेका छन् । योसँगै नेपालमा कोरोना संक्रमितको संख्या १३ हजार २४८ पुगेको छ ।

बितेको २४ घण्टामा १२१ जना कोरोना संक्रमणमुक्त भएका छन् । योसँगै कोरोनाबाट निको हुनेको संख्या ३ हजार १३४ पुगेको छ ।

यसैबीच कोरोना संक्रमणबाट थप एकजनाको मृत्यु भएसंगै नेपालमा ज्यान गुमाउनेको संख्या २९ पुगेको छ ।

मन्त्रालयका अनुसार ललितपुरको स्टार अस्पतालमा उपचाररत रौतहटका ३० वर्षिय पुरुषको कारोनाका कारण मृत्यु भएको छ ।

सम्बन्धित खबर