बिहिबार, २९ साउन २०७७
samadhannews
Bardan Online

इन्सेकले बाँड्यो स्थानीय तहमा स्वास्थ्य सामग्री

आइतबार, २१ असार २०७७
2450 पटक पढिएको

समाधान संवाददाता
पोखरा

इन्सेक गण्डकी प्रदेश कार्यालय पोखराले तनहुँको भानु नगरपालिका, बन्दीपुर गाउँ पालिका र कास्की जिल्लाको रुपा गाउँपालिकालाई स्वास्थ्य सामग्री उपलब्ध गराएको छ । इन्सेक गण्डकी प्रदेश संयोजक शिवप्रसाद खकुरेलले असार २१ गते उक्त स्वास्थ्य सामग्री ३ स्थानीय तहलाई हस्तान्तरण गरे ।

तनहुँ जिल्लाको बन्दीपुर गाउँपालिकाका अध्यक्ष पूर्णसिंह थापालाई, भानु नगरपालिकाका उपप्रमुख आशा थापा र कास्की जिल्लाको रुपा गाउँपालिकाका अध्यक्ष नवराज ओझालाई ती सामग्री हस्तान्तरण गरिएको थियो । इन्सेकले २ र २ थान थर्मल गन, १ र १ लिटर स्यानिटाइजर र ५÷५ सय थान मास्क उपलब्ध गराएको थियो ।

स्वास्थ्य सामग्री हस्तान्तरण गर्दै प्रदेश संयोजक खकुरेलले कोभिड (१९ को जोखिमपूर्ण अवस्थामा नागरिकलाई स्वास्थ्य प्रति संवेदनशील बनाउन सामग्री उपलब्ध गराइएको बताए । उक्त २ स्थानीय तहमा इन्सेकले स्वास्थ्य, शिक्षा, खाद्य र आवासको अधिकार कार्यान्वयनको लागि जिम्मेवार निकायलाई जवाफदेही बनाउने परियोजना सन्चालन गरिएको र स्वास्थ्य अधिकार अन्तर्गत जनताको स्वास्थ्यको अधिकार कार्यान्वयन गराउन उक्त सामग्री उपलब्ध गराइएको खकुरेलले बताए ।
उक्त अवसरमा भानु नपाकी उपमेयर आशा थापा र बन्दीपुर गाउँ पालिकाका अध्यक्ष पूर्णसिंह थापाले अहिलेको जोखिमपूर्ण समयमा स्वास्थ्य सामग्री उपलब्ध गरेर इन्सेकले निकै सरहानीय कार्य गरेको बताए । कार्यक्रम इन्सेक गण्डकी प्रदेश कार्यालय पोखराका अधिकृत सवनम शर्मा, सुपरीवेक्षक मधु पन्थी, स्थानीय सहजकताहरु सुनिता आचार्य र तिर्सना तिमिल्सिनाको सहभागिता थियो ।

सम्बन्धित खबर