मङ्गलबार, २७ साउन २०७७
samadhannews
Bardan Online

ट्र्याक्टर दुर्घटनामा नेकपा कास्कीका नेताको निधन

मङ्गलबार, २३ असार २०७७
53060 पटक पढिएको

समाधान संवाददाता


ट्र्याक्टर दुर्घटनामा परी नेपाल कम्युनिस्ट पार्टी (नेकपा) कास्की जिल्ला कमिटी सदस्य रामचन्द्र अधिकारीले मंगलबार ज्यान गुमाएका छन् ।

४५ वर्षीय अधिकारीको आज बिहान सबा ८ बजे माछापुच्छ्रे गाउँपालिका वडा नम्बर ४ लाहाचोकको बाटुलेथरमा ट्र्याक्टर दुर्घटनामा परी मृत्यु भएको जिल्ला प्रहरी कार्यालय कास्कीले जनाएको छ ।


कास्की प्रहरी प्रवक्ता डीएसपी सुवास हमालका अनुसार अधिकारी खेत जोतेर फर्किंदै गर्दा ट्र्याक्टर सडकबाट ५ मिटर तल खसेको थियो । उनी ग१च २२८३ नम्बरको ट्र्याक्टरबाट खेत जोती आफैंले चलाएर फर्किंदै गर्दा उक्त दुर्घटना भएको हो ।


अधिकारीको निधनप्रति नेकपा कास्कीका सचिव बखानसिंह गुरुङले श्रद्धाञ्जली व्यक्त गर्दै शोकसन्तप्त परिवारलाई समवेदना भनेका छन् ।

सम्बन्धित खबर