बिहिबार, २९ साउन २०७७
samadhannews
Bardan Online

राेनाल्डाेकाे युभेन्टसकाे नराम्राे पराजय

बुधबार, २४ असार २०७७
1170 पटक पढिएको

एजेन्सी

इटालियन सिरी ए फुटबल अन्तर्गत मंगलबार राति भएको खेलमा उपाधी होडमा रहेको शीर्ष स्थानको युभेन्टस पराजित भएको छ । घरेलु मैदानमा भएको खेलमा एसी मिलानले युभेन्टसलाई ४–२ ले पराजित गरेको हो ।

पहिलो हाफमा दुवै तर्फबाट गोल हुन सकेन । तर दोस्रो हाफको सुरुवाति समयमा युभेन्टसले लगातार दुई गोल गरी अग्रता लियो । उसका लागि ४७ औँ मिनेटमा साबिओतले गोल गरी सुरुवाति अग्रता दिलाए ।

५३ औँ मिनेटमा क्रिष्टियानो रोनाल्डोले गोल गरी अग्रता दोब्बर पारे । तर यो अग्रता उसले जोगाउन भने सकेन ।

६२ औँ मिनेटमा पाएको पेनाल्टीमा जाल्टन इब्राहिमोविचले एसी मिलानका लागि पहिलो गोल गरे । ६६ औँ मिनेटमा केसिइले गोल गरेपछि एसी मिलानले बराबरी गर्न सफल भयो ।

६७ औँ मिनेटमा डा कोन्सिकाओ लिएओ र ८० औँ मिनेटमा रेबिकले गोल गरेपछि एसी मिलान ४–२ ले विजयी भयो ।

जितपछि ३१ खेलबाट ४९ अंकसहित एसी मिलान पाँचौँ स्थानमा पुगेको छ । पराजित भएको शीर्ष स्थानको युभेन्टसको ३१ खेलबाट ७५ अंक छ ।

सम्बन्धित खबर