बिहिबार, २९ साउन २०७७
samadhannews
Bardan Online

म्यानयुकाे प्रभावशाली जित

शुक्रबार, २६ असार २०७७
940 पटक पढिएको

एजेन्सी

इंग्लिस प्रिमियर लिग फुटबल अन्तर्गत बिहीबार राति भएको खेलमा म्यानचेस्टर युनाइटेड विजयी भएको छ।

अवे मैदानमा भएको खेलमा युनाइटेडले एस्टन भिल्लालाई ३-० ले पराजित गरेको हो । पहिलो हाफमा दुई गोल गरेको युनाइटेडले दोस्रो हाफमा थप एक गोल गरेको हो ।

२७ औँ मिनेटमा पाएको पेनाल्टीमा ब्रुनो फेर्नान्डेसले गोल गरी टिमलाई सुरुवाति अग्रता दिलाए । पहिलो हाफको इन्जुरी समयको पाँचौँ मिनेटमा म्यासन ग्रिनवूडले गोल गरेपछि युनाइटेडले पहिलो हाफमा दुई गोलको अग्रता लियो ।

पउल पोग्बाले ५८ औँ मिनेटमा गोल गरेपछि युनाइटेडको जित निश्चित भएको हो । युनाइटेडको प्रभावशाली जितले एस्टन भिल्लाको रेलिगेशन सम्भावना थप बढेको छ ।

पाँचौँ स्थानको युनाइटेडको ३४ खेलबाट ५८ अंक भएको छ । चौथो स्थानको लेस्टर सिटीको ५९ अंक छ । रेलिगेशनको जोखिममा रहेको एस्टन भिल्ला २७ अंकसहित पुछारबाट दोस्रो स्थानमा छ ।

प्रिमियर लिग अन्तर्गत बिहीबार राति नै भएका अरु खेलमा बोर्नमाउथ र टोटनह्यामले गोलरहित तथा एभर्टन र साउथह्याम्पटनले १-१ को बराबरी खेलेका छन् ।

सम्बन्धित खबर