शुक्रबार, ३० साउन २०७७
samadhannews
Bardan Online

साम्राज्ञी विरुद्ध भुवन केसी अदालतमा, गाली बेइज्यतीको मुद्दा हाले

शुक्रबार, ०९ साउन २०७७
1770 पटक पढिएको

समाधान संवाददाता

लामो समय देखि सामाजिक सञ्जालमा एक अर्कालाई आरोपित गरिरहेका नायक भुवन केसी र नायिका साम्राज्ञी राज्यलक्ष्मीको झगडा अब अदालतमा पुगेको छ ।

अभिनेता भुवन केसीले अभिनेत्री साम्राज्ञी राज्यलक्ष्मीविरुद्ध काठमाडौं जिल्ला अदालतमा मुद्दा दर्ता गरेका छन् । शुक्रबार केसीले साम्राज्ञीविरुद्ध गाली बेइज्जतीसम्बन्धी मुद्दा दर्ता गराएका छन् ।

यसअघि अभिनेता भुवन केसीले साम्राज्ञी राज्यलक्ष्मी शाहले लगाएको दुर्व्यवहारको आरोपले आफ्नो चरित्र हत्या भएको भन्दै कलाकार संघमा उजुरी दिएका थिए । उनले आफूविरुद्ध लगाइएको आरोप निराधार र मनगढन्ते भएको दाबी गरेका थिए ।

त्यसअघि अभिनेत्री साम्राज्ञीले विभिन्न तीनवटा फिल्ममा काम गर्दा ती फिल्मसँग सम्बन्धित व्यक्तिले दुर्व्यवहार गरेको आरोप लगाएकी थिइन् । साम्राज्ञीले फिल्ममा काम गर्ने बेलामा र जापानमा एउटा अवार्ड कार्यक्रमका क्रममा पनि दुर्व्यवहार गरेको आरोप लगाएकी थिइन् ।

सम्बन्धित खबर