मङ्गलबार, २७ साउन २०७७
samadhannews
Bardan Online

मुख्यमन्त्रीले आज प्रधानमन्त्री भेटे

बिहिबार, १५ साउन २०७७
19140 पटक पढिएको

समाधान सं‌वाददाता

गण्डकी प्रदेशका मुख्यमन्त्री पृथ्वीसुब्बा गुरुङले आज बिहीबार साँझ प्रधानमन्त्री केपी शर्मा ओलीसँग भेट गरेका छन् । आजको भेटमा प्रधानमन्त्रीसँग प्रदेशको विकास र समृद्धि गर्नेबारे कुरा गरेको मुख्यमन्त्रीले बताए ।

‘प्रदेशका लागि आवश्यक जग्गा र भवनको विषयमा, केहीकेही कर्मचारी नियुक्तिहरु गर्नुपर्ने विषयमा कुराकानी भयो,’ मुख्यमन्त्रीले समाधानसँग भने, ‘अरु र समसामयिक राजनीतिका बारेमा आज कुरा हुन पाएन ।’

मुख्यमन्त्री गुरुङ पार्टीको स्थायी कमिटी बैठकमा भाग लिने र प्रदेशको मन्त्रिपरिषद्समेत हेरफेर एवं थप लगायत विषयमा प्रधानमन्त्रीसँग परामर्श गर्नेसहितका एजेन्डा बोकेर १२ साउनमा काठमाडौंका गएका थिए । तर सत्तारुढ पार्टी नेकपाको स्थायी कमिटी बैठक बस्न सकेन । प्रदेशको समृद्धिका लागि आवश्यक जग्गा र भवन लगायत विषयमा प्रधानमन्त्रीबाट सकारात्मक जवाफ पाएको पनि मुख्यमन्त्रीले सुनाए ।

तस्बिर सौजन्य : विक्रम न्यौपाने/ मुख्यमन्त्रीका प्रेस संयोजक

सम्बन्धित खबर