मङ्गलबार, २७ साउन २०७७
samadhannews
Bardan Online

संक्रमित मेयर सरावगीलाई भेटेका थिए पोखराका मेयरले

शुक्रबार, १६ साउन २०७७
35270 पटक पढिएको

अनुप पौडेल, पोखरा

वीरगञ्ज महानगरपालिकाका मेयर विजयकुमार सरावगीमा बिहीबार कोरोना पुष्टि भयो । उनलाई कहाँबाट कोरोना सर्‍यो भन्ने यकीन भएको छैन । संक्रमण पुष्टि भएका मेयर सरावगी ४ दिन पहिले काठमाडौंमा एउटा बैठकमा सहभागी हुन पुगेका थिए ।

त्यहाँ विभिन्न नगरपालिका, उप–महानगरपालिका र महानगरपालिकाका प्रमुख उपस्थित थिए । मेयरलाई कोरोना पुष्टि भएपछि देशका विभिन्न पालिकाका प्रमुखमा त्रासको वातावरण सिर्जना भएको छ ।

गत सोमबार बसेको सोमबारको नगर विकास कोषको बैठकमा पोखरा महानगरपालिकाका मेयर मानबहादुर जिसी पनि थिए । कोरोना संक्रमित मेयर सरवागी र पोखराका मेयर जिसी बीच काठमाडौंमा भेट भएको थियो । मेयर जिसीले समाधानसँग भने, ‘नगर विकास कोषको बैठक थियो । सामाजिक दुरी कायम गरेरै भेटघाट भयो ।’

सुरक्षा व्यवस्था र सामाजिक दुरी कायम गरेर बैठक भएको मेयर जिसीले बताए । मेयर जिसीले आफ्नो स्वाब परीक्षणका लागि प्रयोगशालामा पठाइसकेको जानकारी दिए । उनले भने, ‘उहाँ (वीरगञ्ज) का मेयरलाई कोरोना देखियो । स्वाब दिइसकें । रिपोर्ट बेलुकासम्म आउला ।’

सम्बन्धित खबर