मङ्गलबार, १३ असोज २०७७
samadhannews
Bardan Online

कवि तीर्थ श्रेष्ठको कृति मदन पुरस्कारलाई मनोनीत

बुधबार, २१ साउन २०७७

समाधान संवाददाता

कवि तीर्थ श्रेष्ठको कविता स‌ंग्रह धर्सैधर्साको चक्रव्यूह नेपाली साहित्यको सर्वाधिक प्रसिद्ध पुरस्कार मदन पुरस्कारका लागि मनोनयनमा परेको छ ।

मदन पुरस्कार गुठीले मदन पुरस्कार २०७६ का लागि ७ कृति मनोनय गरेको हो । गुठीलाई प्राप्त १५१ कृतिमध्येबाट बढीमा १० श्रेष्ठ कृतिको सूची तयार गर्न गठित समितिले ७ पुस्तकको सूची उपलब्ध गराएको गुठीका अध्यक्ष कुन्द दीक्षितले बुधबार विज्ञप्तिमार्फत जनाएका छन् ।

अकारादिक्रममा सार्वजनिक सूची अनुसार विमल निभाको जोकरको बन्दुक, तीर्थ श्रेष्ठको धर्सैधर्साको चक्रव्यूह, भुवन ढुंगानाको परित्यक्ता, योगी धर्म महारसको महारस निघण्टु (खण्ड १-३), चन्द्रप्रकाश बानियाको महारानी, ललित विष्ठको मोहपथ र शारदा शर्माको यात्रामा कृति मनोनयनमा परेका छन् ।


छनोटमा परेका यी पुस्तकहरू मध्ये एउटा पुस्तकलाई वर्ष २०७६ को मदन पुरस्कार अर्पण गरिनेछ।

सम्बन्धित खबर