सोमबार, ०५ असोज २०७७
samadhannews
Bardan Online

सडक हिलाम्ये भएपछि वडाध्यक्षलाई गमबुट उपहार

बुधबार, २८ साउन २०७७

पोखरा

नेपाली कांग्रेस पोखरा महानगरपालिका वडा नम्बर २८ समितिले विभिन्न विषयमा ध्यानाकर्षण गर्दै कार्यवाहक वडाध्यक्षलाई पत्र बुझाएको छ । वडाभित्र भएका विभिन्न विकासका क्षेत्रहरुमा अनियमितता भएको कांग्रेसको आरोप छ ।

करोडौं रुपैयाँ खर्च गरेर निर्माणाधी राखी मिजुरे सडकखण्डमा हिलो र खाल्डाखुल्डी भएकोमा पनि कांग्रेसले मंगलबार पत्रमार्फत ध्यानाकर्षण गराएको छ ।

त्यसैको विरोध स्वरुप कांग्रेस वडासमिति उपाध्यक्ष शिवबहादुर अधिकारी नेतृत्व टोलीले वडाध्यक्षलाई गमबुट उपहार दिएको छ । ‘जनताका छोराछोरी हिलोमै कुल्चेर विद्यालय, शहर घुम्न गए पनि वडाध्यक्ष हिलो नलागी त्यो बाटोको आवतजावत गरुन् भनेर वडा अध्यक्षलाई गम्बुट उपहार दिएका हौं,’ टोलीका एक सदस्यले भने ।

कालिका मन्दिर संरक्षण क्षेत्रको पोखरी संरक्षणका निम्ति बर्सेनि ५÷५ लाख रुपैयाँ बजेट छुट्टिए पनि पोखरी बन्नुको सट्टा अस्तित्व नै लोप हुने खतरा भएको कांग्रेसले बताएको छ ।

राखी मिजुरे सडकखण्ड निर्माणका क्रममा सडकको आवश्यक मापदण्ड पूरा नभएको पनि उसको भनाइ छ । जनज्योति माविलाई राजनीतिक भर्ती केन्द्र बनाइएको कांग्रेस वडा समिति उपसभापति शिवबहादुर अधिकारीले बताएका छन् ।

कांग्रेसको ध्यानाकर्षण पत्र गमबुट कार्यवहाक वडाध्यक्ष विष्णुप्रसाद तिवारीलाई बुझाइएको थियो ।

सम्बन्धित खबर