आइतबार, ०९ कार्तिक २०७७
samadhannews
Baba Hardware Header add

भदौ १६ देखि सर्तसहित अन्तर्राष्ट्रिय उडान

शनिबार, ०६ भदौ २०७७

काठमाडौं

सरकारले पिसिआर परीक्षण सहज भएका देशहरूबाट सर्तसहितको नियमित उडान गर्ने भएकाे छ।

मन्त्रिपरिषद्को बिहीबार बसेको बैठकले भदौ १६ गतेदेखि नियमित उडान सुरु गर्ने निर्णय गरेको हो ।

सरकारका प्रवक्ता एवं सञ्चार र अर्थमन्त्री डा. युवराज खतिवडाका अनुसार दैनिक ५ सय यात्रु नकट्ने गरी संस्कृति पर्यटन तथा नागरिक उड्डयन मन्त्रालयले उडान तालिका बनाउनेछ ।

यसरी हुने उडानमा नेपाली नागरिक, कूटनीतिक नियोगका कर्मचारीहरू आउन सक्नेछन् र उनीहरूको ७२ घन्टाभित्र पिसिआर टेस्ट गर्दा रिपोर्ट नेगेटिभ आएको हुनुपर्छ ।

काठमाडौंमा आएपछि ७ दिन आफ्नै खर्चमा होटेल क्वारेन्टिनमा बस्नुपर्नेछ ।

पिसिआर टेस्ट गरेका र नगरेका यात्रुहरू एउटै विमानमा आए सबैलाई क्वारेन्टिनमा राखिनेछ र त्यसको सबै खर्च एयरलाइन्सले व्यहोर्नुपर्छ ।

पिसिआर टेस्ट सहज नभएका मुलुकहरूमा चार्टर फ्लाइट मात्र सञ्चालन हुनेछ ।

सम्बन्धित खबर