सोमबार, ०५ असोज २०७७
samadhannews
Bardan Online

राेनाल्डाेलाई माहुरीले टाेकेपछि खेल्न सकेनन् तर पाेर्चुगल विजयी

आइतबार, २१ भदौ २०७७

एजेन्सी

युराेपमा जारी नेशन्स लिग कप प्रतियाेगितामा गएराती भएकाे खेलमा पाेर्चुगलले क्राेयशियामाथि शानदार जित दर्ता गरेकाे छ । तर याे खेल भने स्टार खेलाडी क्रिस्टियानाे राेनाल्डाे प्लेयर बक्समा बसेर हेर्न बाध्य भए ।

उनले देशका लागि ९९ गाेल गरिसकेका छन् र सय गाेल पुरा गर्ने अभियानमा छन् तर तत्कालका लागि त्याे सम्भव भएन् । उनकाे खुट्टामा माहुरीले टाेकेका कारण खेल्न नसकेकाे पाेर्चुगलका प्रशिक्षकले जानकारी दिएका छन् ।

उनी खेल्न नपाए पनि पोर्चुगलले क्रोएसियामाथि ४–१ को जित दर्ता गर्न सफल भयो ।

३५ वर्षका रोनाल्डोको दायाँ गोडामा माहुरीले टोकेको थियो । माहुरीले टोकेको स्थानमा इन्फेक्सन भएपछि उनी खेल्न नसकेका हुन् । उनी आउँदो मंगलबार हुने स्वीडेनसँगको खेलमा पनि खेल्न सक्ने सम्भावना कम रहेको जनाइएको छ ।

गोडामा इन्फेक्सन भएको भए पनि रोनाल्डो टिमको हौसला बढाउनका लागि रंगशालमा उपस्थित भएका थिए । मास्क फुकालेर बसेका रोनाल्डोलाई खेल पदाधिकारीले आएर मास्क लगाउन भनेका थिए ।

इन्जरी टाइमकाे पेनाल्टीले इग्ल्याण्डकाे जित

इंग्ल्याण्डले कठिन जितका साथ युरोपियन नेशन्स लिग फुटबलको सुरुवात गरेको छ । समूह ए टूमा रहेको इंग्ल्याण्डले शनिबार राति भएको खेलमा कमजाेर मानिएकाे आइसल्याण्डलाई १–० ले पराजित गरेको हो ।

खेलको दोस्रो हाफको अन्त्यतिर दुवै टिम १० खेलाडीमा सीमित भएका थिए । कायल वाकर ७० औँ मिनेटमा दोहोरो पहेँलो कार्ड पाएर मैदानबाट बाहिरिएपछि इंग्ल्याण्ड १० खेलाडीमा सीमित भयो ।

स्भेरिर इनगासोनले ८९ औँ मिनेटमा दोहोरो पहेँलो कार्ड पाएपछि आइसल्याण्ड पनि १० खेलाडीमा सीमित भयो । अन्तिम समयसम्म दुवै तर्फबाट गोल भएको थिएन ।

तर इन्जुरी समयको पहिलो मिनेट अर्थात ९१ औँ मिनेटमा पाएको पेनाल्टीमा रहीम स्ट्रर्लिङ्गले गोल गरी इंग्ल्याण्डलाई जित दिलाए । इन्जुरी समयमै पाएको पेनाल्टीमा बर्किर बिआर्नसनले गोल गर्न सकेनन् र आइसल्याण्ड बराबरी गर्ने मौकाबाट चुक्यो ।


सम्बन्धित खबर