मङ्गलबार, १३ असोज २०७७
samadhannews
Bardan Online

भिटोफ गण्डकीले नवीकरण शुल्क नलिने

बुधबार, ३१ भदौ २०७७

समाधान संवाददाता, पोखरा

गाउँ पर्यटन प्रवद्र्धन मञ्च (भिटोफ) गण्डकी समितिले आफ्ना सदस्यहरुको नवीकरण शुल्क निशुल्क गर्ने निर्णय गरेको छ ।

भिटोफ गण्डकीको सोमबार भएको भर्चुअल बैठकले उक्त निर्णय गरेको साथै मञ्चको साधारण सभा पनि भर्चुअल विधिबाट नै सम्पन्न गर्ने निर्णय गरेको अध्यक्ष नवराज अधिकारीले जानकारी दिएका छन् ।

भिटोफ गण्डकीमा पर्यटन व्यवसायमा संलग्न व्यवसायी तथा होमस्टे आजीवन र साधारण गरी जम्मा ७५ सदस्य छन् । समितिले हरेक वर्ष १ हजार ५ सय नवीकरण शुल्क लिँदै आएको थियो ।

कोभिड १९को महामारीको असर पर्यटन क्षेत्रमा परि व्यवसाय नै धरासयमा पुग्न लागेको अवस्थालाई मध्यनजर गर्दै उक्त निर्णय गरिएको अधिकारीले वताए ।

भिटोफ गण्डकीले प्रदेश भित्रका होमस्टेहरुको सम्भावना अध्ययन गरी हरेक वर्ष १ होम स्टेलाई गन्तव्य र १ लाई उत्कृष्ट होम स्टे घोषणा गर्दैै प्रवद्र्धन तथा प्रचारप्रसार गर्दै आइरहेको छ ।

प्रदेश सरकारसँगको सहकार्यमा होमस्टे सञ्चालकलाई तालिम तथा होमस्टेको बीचमा अन्तरसम्बन्ध कायम गर्ने कार्य गर्दै आइरहेको भिटोफ गण्डकीका संस्थापक तारानाथ पहारीले वताए ।

सम्बन्धित खबर