आइतबार, ०९ कार्तिक २०७७
samadhannews
Baba Hardware Header add

जाल्पा लघुवित्तको मर्ज प्रस्ताव पारित

शुक्रबार, ०२ असोज २०७७

समाधान संवाददाता, पोखरा

जाल्पा लघुवित्त वित्तीय संस्था लिमिटेडको बिहीबारको विशेष साधारणले सभा महिला सामुदायिक लघुवित्त वित्तीय संस्था दाङसँग गाभिने विशेष प्रस्ताव पारित गरेको छ । दुबै सस्था गाभ्ने/गाभिने सम्बन्धमा २०७६ माघ १६ गते प्रारम्भिक समझादारीपत्र भएको थियो । राष्ट्र बैंकले २०७७ असार ५ गते यी संस्था गाभ्न सैद्धान्तिक सहमति दिएको थियो ।

मर्जपछि वित्तीय संस्थाको नाम सिर्जना सामुदायिक लघुवित्त वित्तीय संस्था लिमिटेड हुने भएको छ । कार्यक्षेत्र राष्ट्रियस्तरको हुनेछ । गण्डकी प्रदेश, ५ नम्बर प्रदेश र कर्णाली प्रदेशमा गरी ५५ वटा शाखा मार्फत ८० हजार ग्राहक सदस्यहरुलाई सेवा प्रदान गर्ने, संस्थाको बचत २ अर्ब हुनेछ । लगानी ३ अर्ब रुपैयाँ पुग्नेछ । संस्थामा ३५७ जना कर्मचारी हुनेछन् ।

सञ्चालक समितिको तर्फबाट गाभ्ने÷गाभिने सम्बन्धी प्रस्ताव अध्यक्ष अर्जुन श्रेष्ठले पेस गरेका थिए । दुबै संस्था गाभिएपछि राष्ट्रियस्तरको एक सवल, सक्षम र ग्राहकमैत्री लघुवित्त वित्तीय संस्था बनी गुणस्तरीय सेवा प्रदान गर्ने धारणा उनले व्यक्त गरे ।

सभामा सञ्चालक मीनप्रसाद शर्मा भट्टराईले स्वागत मन्तव्य राखे । दुवै संस्था मर्ज गर्न बनेको संयुक्त मर्जर समितिका संयोजक वीरबहादुर अधिकारीले मर्जर सम्बन्धी गतिविधिहरुको बारेमा प्रकाश पारे ।
सभामा सञ्चालक विश्वकुमार बिजुक्छेले उपस्थित सेयरधनी तथा मर्जर कार्य सम्पन्न गर्नका लागि प्रत्यक्ष अप्रत्यक्ष रुपमा सहयोग गर्नुहुने सम्पूर्ण सरोकारवालाहरुलाई धन्यवाद ज्ञापन गरे ।

संस्थाका अध्यक्ष अर्जुन श्रेष्ठको अध्यक्षतामा भएको कार्यक्रम प्रमुख कार्यकारी अधिकृत एवं कम्पनी सचिव अशोक आचार्यले सञ्चालक गरेका थिए । सभामा सेयरधनीबाट उठेका जिज्ञासाहरुको सम्बन्धमा अध्यक्ष अर्जुन श्रेष्ठ र प्रमुख कार्यकारी अधिकृत अशोक आचार्यले प्रष्ट पारे ।

सम्बन्धित खबर