आइतबार, ०९ कार्तिक २०७७
samadhannews
Baba Hardware Header add

पोखरा महानगरपालिकाको ‘मनोमानी’ प्रति ११ वडाध्यक्षको चिन्ता

सोमबार, १२ असोज २०७७

समाधान संवाददाता, पोखरा

पोखरा महानगरपालिकामा कांग्रेसका तर्फबाट निर्वाचित ११ वडा अध्यक्षले महानगरपालिकामा भइरहेको पछिल्लो गतिविधिप्रति ध्यानाकर्षण भएको जनाएका छन् ।

महानगरपालिकाको आर्थिक प्रशासन, कर्मचारी व्यवस्थापन र सुशासनप्रति चिन्ता व्यक्त गर्दै पछिल्ला गतिविधिप्रति ध्यानाकर्षणभएको जनाएका हुन् ।

११ जना वडाध्यक्षहरुको तर्फबाट दलको नेता तथा सचेतक रामराज लामिछानेले आइतबार विज्ञप्ति जारी गरी महानगरपालिकामा आस्थाकै आधारमा राम्रो काम गर्ने कर्मचारी कारवाहीमा परेको र नराम्रो काम गर्ने
कर्मचारी संरक्षित बनेको उल्लेख गरेका छन् ।

विज्ञप्तिमा राजस्व शाखाका तत्कालीन प्रमुखबाट आर्थिक अनियमितता भएको विषयलाई उजागर गर्ने स्पष्ट र इमानदार लेखा प्रमुखलाई उल्टै स्पष्टीकरण सोधिएकोमा आपत्ति जनाउँदै आर्थिक अनियमितताको पनि उजागर हुने डरले अहिले लेखा प्रमुखलाई सामान्य प्रशासन मन्त्रालयमा सरुवा गरिएकोमा निन्दा गरिएको छ ।

स्पष्टीकरण सोध्दा प्रमुख प्रशासकीय अधिकृतबाट सोध्नुपर्नेमा नियम विपरीत महानगर प्रमुखबाट सोधिनु आर्थिक अनियमितता ढाकछोप गर्न प्रपञ्च रचिएको पुष्टि भएको विज्ञप्तिमा उल्लेख छ ।

त्यस्तै, महानगरपालिकामा कर्मचारीहरुको व्यवस्थापन, योग्यता र क्षमताका आधारमा नभई राजनीतिक आस्थाका आधारमा गरिएकोप्रति ध्यानाकर्षण भएको जनाइएको छ ।

विज्ञप्तिमा विभिन्न कार्यक्रमका नाममा महानगरमा अस्थायी तथा करारमा भर्ना भएका प्राविधिक तथा अन्य कर्मचारीहरु विभिन्न शाखामा प्रमुखको जिम्मेवारीमा नै कार्यरत रहेको र अर्काेतिर आस्थाकै आधारमा स्थायी तथा वरिष्ठ कर्मचारीहरुलाई जिम्मेवारीबाट पन्छाउने गरिएको भन्दै निन्दा
गरिएको छ ।

पोखरा महानगरका वडामध्ये २, ३, ४, ६, ९, १०, ११, १२, २३, २७ र ३२ मा कांग्रेसबाट निर्वाचित वडाध्यक्ष छन् ।

सम्बन्धित खबर