सोमबार, ०३ कार्तिक २०७७
samadhannews
Baba Hardware Header add

कमालका क्रिस गेल, पञ्जावले हरायाे आरसिबीलाई

शुक्रबार, ३० असोज २०७७

एजेन्सी

विष्फाेटक ब्याट्सम्यान क्रिस गेललाई याे सिजनमा पहिलाे पटक खेलाएकाे किङ्स इलेवेन पञ्जावले हारकाे श्रृङ्खला ताेडेकाे छ । ढिलाे सुरुवात गरेपनि गेलले अपेक्षाा अनुसार नै प्रदर्शन गरेर टिमलाई विजयकाे ढाेकासम्म पुर्याए ।

इण्डियन प्रिमियर लिग (आइपिएल) अन्तर्गत युएईको शारजाह क्रिकेट स्टेडियममा बिहीबार राति खेलिएको खेलमा किङ्स इलाभेन पञ्जाबले रोयल च्यालेन्जर्स बैंगलोरलाई ८ विकेटले पराजित गरेको हाे ।

जितका लागि प्राप्त १७२ रनको लक्ष्य पञ्जाबले अन्तिम ओभरको अन्तिम बलमा छक्का प्रहार गर्दै हालिस गरेको हो। केएल राहुल र क्रिस गेलको आक्रामक ब्याटिङका सामु बैंगलोरका बलरहरु निरिह भएका थिए।

यो जितका साथ पञ्जाबले लगातार हारको सिलसिला पनि तोडेको छ। यो खेलसँगै पञ्जाबको अंक बढेर ४ भएको छ, तर पञ्जाब अझै अंक तालिकाको पुछारमा छ।

हारका बाबदुद पनि बैंगलोर भने अंक तालिकामा तेस्रो स्थानमा कायम छ।

पञ्जाबको जितमा कप्तान केएल राहुल र क्रिस गेलले अर्धशतकीय इनिङ्स खेले। राहुलले ४९ बलमा अविजित रहँदै ६१ रन बनाए भने गेलले ४५ बलमा ५३ रनको योगदान दिए। यस्तै मायांक अग्रवालले ४५ रन बनाए ।

बैंगलोरका युजभेन्द्र चाहलले १ विकेट लिए।

यस अघि टस जितेर पहिले ब्याटिङ गरेको बैंगलोरले २० ओभरमा ६ विकेट गुमाएर १ सय ७१ रन बनाएको थियो।

सम्बन्धित खबर