बुधबार, ०५ कार्तिक २०७७
samadhannews
Baba Hardware Header add

एनएमबी र फेवा बजारबीच इएमआई कर्जा सम्झौता

शनिबार, ०१ कार्तिक २०७७

समाधान संवाददता, पोखरा

एनएमबी बैंक लिमिटेड र फेवाबजारबीच सरल इएमआईमा कर्जाका साथै अन्य डिजिटल प्रणालीबाट गरिने भुक्तानीमा छुट प्रदान गर्नको लागि द्विपक्षीय समझदारी भएको छ ।

समझदारीपत्रमा एनएमबि बैंकका तर्फबाट प्रमुख–रिटेल बैंकिङ रोशन रेग्मी र फेवा बजारका तर्फबाट प्रवन्ध निर्देशक सुजन आचार्यले हस्तास्क्षर गरे ।

समझदारी अनुसार एनएमबीका ग्राहकहरुले फेवाबजारको आधिकारिक वितरकबाट उपभोग्य इलेक्ट्रोनिक वस्तुहरुको खरिदमा १२ महिनासम्मको ‘एनएमबी सुलभ किस्ता’ योजना अन्तर्गत १२ महिनासम्मको सरल किस्तामा समानहरु खरिद गर्न सक्नेछन् ।

यसका अतिरिक्त एनएमबीका ग्राहकहरुले फेवाबजारका विविध उत्पादनहरुमा क्रेडिट कार्ड मार्फत गरिने भुक्तानीमा विभिन्न छुटको लाभ प्राप्त गर्न सक्ने निर्देशक सुरज आचार्यले जानकारी दिए ।

पोखरामा मुख्य कार्यालय र ललितपुरमा कर्पोरेट अफिसभई नेपालभरि दैनिक उपभोग्य वस्तुहरुको डेलिभरी सेवा प्रदान गरिरहेको फेवा बजारको सर्वाधिक उपस्थिति लुम्बिनी प्रदेशमा रहेको छ ।

त्यस प्रदेशमा सयभन्दा बढी खुद्रा स्टोरहरुले फेवाबजारको वस्तुहरु बिक्री गरिरहेका छन् ।

एनएमबी बैंकले १ सय ८६ शाखा, ६ विस्तारित काउन्टर र १ सय ३५ एटिएमहरुको मजबुत सञ्जाल मार्फत ग्राहकहरुलाई उच्चस्तरीय सेवा प्रदान गर्दै आएको छ ।

सम्बन्धित खबर