शुक्रबार, १२ मङि्सर २०७७
samadhannews
Baba Hardware Header add

विपन्नलाई दलित महिला संघको सहयोग

बुधबार, ०५ कार्तिक २०७७

पोखरा

दलित महिला संघ (फेडो) कास्कीले प्यारालाइसिस भएका पोखरा–११ काहुँका विष्णु परियारलाई मंगलबार खाद्यान्य तथा नगद सहयोग प्रदान गरेको छ ।

अमेरिकामा बसोवास गर्ने नेपालीबाट संकलित रकमबाट संघले १ बोरा चामल, २ किलो दाल, २ किलो चिनी, १ किलो नुन, २ लिटर तेल, १ पाउँ चियापत्ती, आधा किलो मस्यौरा र १ हजार रुपैयाँ प्रदान गरेको छ ।

विष्णुकी श्रीमती सीताले राहात पाएपछि दसैं टर्ने बताइन् । विष्णु मणिपाल शिक्षण अस्पतालको आइसियूमा उपचारत छन् । पोखरा महानगरपालिका वडा नम्बर ११ को कार्यालयले विष्णुको उपचारका लागि १० हजार रुपैयाँ सहयोग छ ।

अमेरिकामा बस्ने पर्वतकी विष्णुमाया परियारको पहलमा संकलित सहयोगबाट संघले पोखराका विपन्न, अपांग एवं एकल महिलालाई राहत प्रदान गरेको छ ।

विष्णुमायासँगै रञ्चु थापा, मनकुमारी पुन, तुमला श्रेष्ठ, उर्मिला लाम्गादे, यमुना पोखरेल, अतिकला लामा, चमेली परियार, कल्पना रामदाम, चुङला शेर्पा, कृष्ण सिंह, उजेली रामजाली, बिमला लिम्बु र भुवन विश्वकर्माले आर्थिक सहयोग गरेका थिए ।

संघले पोखराको बाटुलेचौर, हेमजा, काहुँ बाँझापाटन, छोरेपाटन, घारीपाटन, कालिका, गगनगौंडा र रिठ्ठेपानीका १६ महिलालाई राहत वितरण गरेको सहसचिव सरस्वती परियारले जानकारी दिइन् ।

फेडो कास्की अध्यक्ष सुमित्रा गायकले कोभिड १९को कारण दलित महिलाको आर्थिक अवस्था झनै खस्किएकोले सहयोग आवश्यक भएको बताइन् ।

सम्बन्धित खबर