शनिबार, ०३ माघ २०७७
samadhannews
Baba Hardware Header add

मुक्तिनाथ बैंकको अनलाइन कर्जा

शुक्रबार, १२ मङि्सर २०७७

समाधान संवाददाता, पोखरा

मुक्तिनाथ विकास बैंकले कोभिड १९ को महामारीको विषम परिस्थितिमा डिजिटल प्रणालीको प्रोत्साहन गर्ने गरी अनलाइन कर्जा आवेदन सेवा सञ्चालनमा ल्याएको छ ।

बैंकले आफ्नो वेबसाइटबाट सिधै विभिन्न कर्जाका लागि आवेदन दिन सक्ने व्यवस्था मिलाएको प्रमुख सूचना अधिकारी तिलबहादुर गुरुङले जनाएका छन् ।

बैंकले कर्जा स्वीकृतिका लागि आवश्यक पर्ने कागजातसमेत अनलाइनमार्फत नै ग्राहकहरुले प्रस्तुत गर्नसक्ने सुविधा उपलब्ध गराएको हो ।

यस प्रणालीमार्फत ग्राहकले आफूलाई सहज पर्ने कुनै पनि शाखा अनलाइन नै छनोट गरी कर्जा आवेदन दिन सकिने साथै सम्पूर्ण कागजात प्रस्तुत गरिएको ७ कार्य दिन भित्रनै कर्जा स्वीकृति गरिने छ ।

बैंकले नयाँ प्रविधिलाई आत्मसाथ गर्नुका साथै बैंकमा कार्यरत कर्मचारी र ग्राहकको स्वास्थ्य र सुरक्षालाई उच्च प्राथमिकतामा राखी वित्तीय सेवा प्रदान गर्ने उद्देश्यले अनलाइन कर्जा आवेदन सेवा सञ्चालनमा ल्याइएको गुरुङले प्रेस विज्ञप्तिमा उल्लेख गरेका छन् ।

कोरोनाको संक्रमणबाट सुरक्षित भई डिजिटल बैंकिङ कारोबार र प्रणालीको प्रोत्साहन गर्न बैंकको ग्राहकले भिसा नेटवर्क अन्तर्गत जुन सुकै बैंकको एटिएमबाट विना कुनै शुल्क रकम झिक्न सकिने व्यवस्था गरिएको समेत बैंकले जनाएको छ ।

सम्बन्धित खबर