शुक्रबार, ०९ माघ २०७७
samadhannews
Baba Hardware Header add

गण्डकीमा आज १५६ स्वाब परीक्षण, ८४ जनालाई कोरोना

शुक्रबार, १९ मङि्सर २०७७

समाधान संवाददाता, पोखरा

गण्डकी प्रदेशमा शुक्रबार थप ८४ जनामा कोरोनाा भाइरस संक्रमण पुष्टि भएको छ । प्रदेश स्वास्थ्य निर्देशनालयका अनुसार शुक्रबार ५ जिल्लाका ८४ जनामा पोजेटिभ देखिएको हो ।

कोरोना पुष्टि हुनेमा सबैभन्दा धेरै कास्कीका ७१ जना छन् । शुक्रबार जम्मा १ सय ५६ स्वाब परीक्षण भएको छ ।

त्यसबाहेक म्याग्दीका ९, स्याङ्जाका २, बागलुङ र तनहुँका १/१ जनालाई कोरोना पोजेटिभ देखिएको छ । योसहित गण्डकीमा कोरोना संक्रमितको संख्या १२ हजार ४ सय ७९ पुगेको प्रदेश स्वास्थ्य निर्देशक विनोदविन्दु शर्माले जानकारी दिए ।

तीमध्ये ७ हजार २ सय ९१ जना निको भएका छन् । शुक्रबार १३ जना कोरोनामुक्त भएको निर्देशनालयले जनाएको छ ।

शुक्रबार थप १ संक्रमितको मृत्यु भएको छ । कास्की पोखरा महानगरपालिका ८ की ६६ वर्षे महिलाको चरक मेमोरियल अस्पतालमा मृत्यु भएको हो ।

ती महिलामा कोभिडसँगै, मधुमेह र उच्च रक्तचापको समस्या थियो । योसहित गण्डकीमा कोरोनाबाट मृत्यु हुनेको संख्या १ सय ६३ पुगेको छ ।

सम्बन्धित खबर