बिहिबार, ०८ माघ २०७७
samadhannews
Baba Hardware Header add

कन्या क्याम्पस सञ्चालक समितिमा योगेन्द्रलाल

सोमबार, २२ मङि्सर २०७७

समाधान संवाददाता, पोखरा

कन्या क्याम्पस पोखरामा भएको २६औं साधारण सभा तथा ८औं अधिवेशनले क्याम्पसको सञ्चालक समितिको अध्यक्षमा पुनः योगेन्द्रलाल प्रधानलाई निर्विरोध निर्वाचित गरेको छ ।

समितिको अध्यक्ष तथा ४ जना सदस्यको निर्वाचनका लागि समाजसेवी ध्रुव केसीको संयोजकत्व तथा कन्या माविका प्रधानाध्यापक प्रेमबहादुर बुढाथोकी र शान्ति उदास सदस्य रहेकोे निर्वाचन उपसमितिले गरेको निर्वाचन कार्यक्रममा निर्विरोध निर्वाचित हुने अन्य सदस्यमा शिवलाल मल्ल, वामनकुमार पराजुली, गोपाल ध्वजु र मदन शर्मा छन् ।

मंसिर १३ गते भएको क्याम्पसको अधिवेशनमा निर्वाचित पदाधिकारीलाई शनिबार पदस्थापन गरिएको छ । निर्वाचित पदाधिकारीहरुको पदावधि ३ वर्षको रहने व्यवस्था छ । नवनिर्वाचित अध्यक्ष तथा सदस्यलाई निर्वाचन समितिका संयोजक ध्रुव केसीले सपथ ग्रहण गराए ।

केसीले महिला शिक्षामा योगदान पु¥याउने पश्चिमाञ्चल क्षेत्रकै एकमात्र कन्या क्याम्पसलाई अझ गुणस्तरीय शिक्षा प्रदान गर्न शुभकामना दिए । क्याम्पस सञ्चालक समितिका अध्यक्ष प्रधानले समिति, प्राध्यापक, कर्मचारी, अभिभावक, छात्राहरु र सबै सरोकारवालाहरुको सहयोगमा क्याम्पसलाई नेपालको नै नमूना क्याम्पसको रुपमा सञ्चालन गर्ने रणनीतिका साथ अघि बढ्ने प्रतिवद्धता जाहेर गरे ।

निर्वाचित पदाधिकारीहरुलाई क्याम्पस प्राध्यापक संघका सभापति क्षेत्रबहादुर क्षेत्रीले खादा लगाएर सम्मान गरे । क्याम्पस प्रमुख सुरेशकुमार मानन्धरले शैक्षिक गुणस्तर सुनिश्चितता प्रमाणपत्र प्राप्त गर्न लागेको क्याम्पसमा नव निर्वाचित पदाधिकारीहरुको पहलमा विकास निर्माणका कार्य अघि बढ्ने विचार व्यक्त गरे ।

सम्बन्धित खबर