बिहिबार, २० फागुन २०७७
samadhannews
हाम्रो सामुदायिक सहकारीमा फेरि श्रेष्ठ

हाम्रो सामुदायिक सहकारीमा फेरि श्रेष्ठ

शनिबार, २७ मङि्सर २०७७

पोखरा, २७ मंसिर

हाम्रो सामुदायिक बचत तथा ऋण सहकारी संस्थाको शनिबार सम्पन्न दसौं साधारण सभा तथा चौथो अधिवेशनले लक्ष्मीनारायण श्रेष्ठको अध्यक्षतामा नयाँ कार्यसमिति चुनेको छ । उनी यसअघि पनि अध्यक्ष नै थिए । उपाध्यक्ष पम्फा पहारी, सचिव भरतबहादुर पौडेल, सहसचिव देवका पहारी, कोषाध्यक्ष पदम पहारी चुनिएका छन् । सहकारीको कार्यसमिति सदस्यमा चिरञ्जीवी पोखरेल, तेजनारायण अधिकारी, रामप्रसाद ढकाल, चेतनारायण पाण्डे छन् ।


अधिवेशनले ठाकुरप्रसाद बराललाई लेखा समिति संयोजक चयन गरेको छ । समितिको सदस्यमा दामोदर बराल र कृष्णकुमार श्रेष्ठ चुनिए । सहकारीको सल्लाहकार मेहरमान श्रेष्ठ, बलराम गिरी र एकराज न्यौपाने छन् । अधिवक्ता कमल अर्याल संयोजकत्वको निर्वाचन समितिले सहकारीको नयाँ कार्यसमितिको निर्वाचन गराएको थियो ।


सभाका प्रमुख अतिथि पोखरा १८ का वडाध्यक्ष रणबहादुर थापाले देशलाई अप्ठेरो परेको बेला उत्पादन र पर्यटन क्षेत्र चलायमान बनाउनुपर्नेमा जोड दिए । सहकारीको सेयर पुँजी ८ करोड १० लाख रुपैयाँ, निक्षेप २० करोड रुपैयाँ र कर्जा लगानी २९ करोड रुपैयाँ रहेको जानकारी सहकारीका व्यवस्थापक डम्मरुराज बरालले दिएका छन् । सभाले रेडक्रस कास्कीले निर्माण गरिरहेको ब्लडबैंक भवनका लागि १० हजार रुपैयाँ सहयोग गर्ने निर्णय गरेको थियो ।


अध्यक्ष लक्ष्मीनारायण श्रेष्ठको अध्यक्षतामा भएको सभामा उपाध्यक्ष पम्फा पहारीले स्वागत मन्तव्य राखिन् । सहसचिव देवका पहारीले सहकारीका ७ सिद्धान्त बाचन गरिन् । अध्यक्ष श्रेष्ठले पेस गरेको प्रगति प्रतिवेदन सभाले पारित गरेको छ । सभाले कोषाध्यक्ष पदम पहारीले पेस गरेको आर्थिक प्रतिवेदन पारित गरेको छ । पोखरा महानगरपालिकाको सहकारी समितिका अध्यक्ष तेजनारायण अधिकारी र सल्लाहकार एकराज न्यौपानेले मन्तव्य व्यक्त गरेको कार्यक्रम सञ्चालन सचिव भरतबहादुर पौडेलले गरेका थिए ।

सम्बन्धित खबर