बिहिबार, ०८ माघ २०७७
samadhannews
Baba Hardware Header add

मंसिरमा ८९ मुद्दा दर्ता

बिहिबार, ०२ पुष २०७७

समाधान संवाददाता, पोखरा

गत १३ मंसिरमा कास्की प्रहरीले पोखरा महानगरपालिका १६ लामाचौरबाट प्रकाश नेपालीलाई पक्राउ ग¥यो ।

सोही ठाउँकी ११ वर्षे फरक क्षमता भएकी बालिकालाई जबरजस्ती करणी गरेको भन्दै प्रहरीले उनलाई पक्राउ गरेको थियो ।

बालिकालाई घरमा कोही नभएका बेला धम्की दिएर उनले करणी गरेको सुचना पाएलगत्तै कास्की प्रहरीले पक्राउ गरेको थियो ।

९ मंसिरमा कास्कीका १ पुरुषलाई हाडनाता करणीको मुद्दामा पक्राउ ग¥यो ।

आफ्नी १३ वर्षीया छोरीलाई होटलमा लगेर जवरजस्ती अश्लिल भिडियो देखाएर करणी गरेको अभियोगमा ३९ वर्षीय पुरुष पक्राउ परेका थिए ।

यी २ सहित कास्कीमा मंसिर महिनाभर जबरजस्ती करणीका ५ मुद्दा दर्ता भएका छन् । ५ मुद्दामा प्रहरीले ५ जनालाई नै पक्राउ गरेको छ । २ मुद्दा जबरजस्ती करणी उद्योगमा परेका छन् ।

जिल्ला प्रहरी कार्यालय कास्कीका प्रमुख प्रहरी उपरीक्षक (एसपी) जीवनकुमार श्रेष्ठका अनुसार कास्कीमा १ महिनामा ८९ मुद्दा दर्ता भएका छन् ।

दर्ता भएका मुद्दामा सबैभन्दा बढी बैंकिङ कसुरको मुद्दा छन् । बंैकिङ कसुरमा सबैभन्दा बढी १३, लागुऔषध ओसारपोसारमा १० मुद्दा परेको एसपी श्रेष्ठले जानकारी दिए ।

लागुऔषध ओसारपोसार सम्बन्धि कसुरमा १५ पुरुष पक्राउ परेका छन् । जुवाका ४ वटा मुद्दा परेका छन् जसमा २३ पुरुष र ४ महिलागरि २७ जना पक्राउ परेका छन् । जुवामा २ लाख १५ हजार ४५५ रुपैयाँ बरामद भएको छ ।

मंसिरमा मात्रै ३२ सय ८० जना ट्राफिक कारबाहीमा परेका छन् । उनीहरुको साथबाट २४ लाख ६ हजार ७०० रुपैयाँ राजश्व उठाइएको छ ।

प्रहरीले मंसिरमा मात्रै २६ जना फरार प्रतिवादीलाई पक्राउ गरेको छ । उनीहरुबाट १ लाख २१ हजार ८ सय ५० रुपैयाँ जरिवाना असुल गरिएको एसपी श्रेष्ठले जानकारी दिए ।

सम्बन्धित खबर