बिहिबार, ०८ माघ २०७७
samadhannews
Baba Hardware Header add

स्याङ्जाद्वारा नवलपुर पराजित

सोमबार, ०६ पुष २०७७

समाधान संवाददाता, पोखरा

विष्णु पाण्डेको अलराउण्ड प्रदर्शनमा स्याङ्जाले सोमबार नवलपुरमाथि २ विकेटको जित दर्ता गरेको छ ।

पोखरामा जारी गण्डकी प्रदेश स्तरीय क्रिकेट प्रतियोगितामा टस जितेर ब्याटिङ रोजेको नवलपुरले जितका लागि २ सय १४ रनको विजयी लक्ष्य प्रस्तुत गरेको थियो ।

२ सय १४ रनको लक्ष्य पछ्याएको स्याङ्जाले खेलको २ बल बाँकी हुँदा लक्ष्य भेट्टायो । स्याङ्जाका लागि विष्णु पाण्डेले सर्वाधिक १ सय ९ बलमा ७५ रन जोडे ।

करुण पंगेनीको ४१, ईश्वर क्षेत्रीको २८ तथा अशोक श्रेष्ठको २७ रनको योगदानमा स्याङ्जाले ४९.४ ओभरमा ८ विकेट गुमाउँदै लक्ष्य भेट्टाएको थियो ।

नवलपुरका कैलाश पंगेनीले ३ तथा विज्ञान गौतमले २ विकेट लिएपनि टोलीको हार भने जोगाउन सकेनन् ।

यसअघि टस जितेर व्याटिङ गरेको नवलपुरले ४७.१ ओभरमा पूरै विकेट गुमाउँदै २ सय १३ रन बनाएको थियो ।

नवलपुरका लागि दिपक डुम्र्रेले ५२ तथा सन्देश बस्नेतले ५० रनको अर्धशतकिय इनिङ्स खेले ।

नवलपुरलाई मध्यम स्कोरमै रोक्न स्याङ्जाका मिलन लुइटेलले ५ विकेट लिँदा विष्णु पाण्डेले २ विकेट हात पारे ।

खेलमा स्याङ्जाका विष्णु पाण्डे म्यान अफ द म्याच भए । मंगलबार घरेलु टोली कास्कीले तनहुँसँग प्रतिस्पर्धा गर्नेछ ।

सम्बन्धित खबर