शुक्रबार, ०९ माघ २०७७
samadhannews
Baba Hardware Header add

आइसिटी अवार्ड बूढानीलकण्ठ स्कुललाई

सोमबार, १३ पुष २०७७

समाधान संवाददाता, पोखरा

नेपाल टेलिकमसँग सहकार्य गरी विषम परिस्थितिमा पनि इन्टरनेटको माध्यमबाट पठनपाठन सुचारु गरिरहेको बूढानीलकण्ठ स्कुलले प्रविधि क्षेत्रको प्रतिष्ठित ‘डिजिटल एडुकेसन आइसिटी अवार्ड २०२०’ प्राप्त गरेको छ ।

शिक्षा क्षेत्रलाई प्रविधिमैत्री बनाउन प्रोत्साहन गर्ने उद्देश्यले सरकारी तथा सामुदायिक शैक्षिक संस्थालाई प्रदान गरिने उक्त अवार्डमा नेपालभित्र सञ्चालनमा रहेका सार्वजनिक शैक्षिक गुठीमा आवद्ध विद्यालय, सामुदायिक विद्यालयहरु,क्याम्पस एवं विश्वविद्यालय प्रतिस्पर्धी थिए ।

नेपालकै सबैभन्दा ठूलो प्रविधि अवार्डका रुपमा रहेको यस विधामा २७शैक्षिक संस्थाको नोमिनेसन भएको थियो ।

विभिन्न क्षेत्रका १४ विज्ञको जुरी समूहले विभिन्नआधारमा थुप्रैचरणमा गरेको मूल्यांकनका आधारमा अवार्ड घोषणा गरिएको हो ।

शनिबार राजधानीमा आयोजित पाँचौँ संस्करणको उक्त अवार्ड घोषणा कार्यक्रममा अनलाइन शिक्षामा पु¥याएको उल्लेखनीय योगदानको कदरस्वरुप बूढानीलकण्ठ स्कुललाई अवार्ड प्रदान गरिएको हो ।

कोभिड १९ महामारीका कारण सिर्जित बन्दाबन्दीको समयमा २०७७वैशाख महिनाको आरम्भदेखि नै अनलाइन कक्षा सञ्चालन गरेको बूढानीलकण्ठ स्कुलले नेपाल टेलिकमको सहकार्यमा प्रविधिका क्षेत्रमा आमूल परिवर्तन गरी विद्यालयलाई प्रविधिमैत्री बनाएको छ ।

स्कुलले विश्वप्रसिद्ध माइक्रोसफ्ट टिम्स प्रयोग गरी करिब ९८ प्रतिशत विद्यार्थीलाई समेटी सबै विषयका कक्षासञ्चालन गर्नुका साथै विभिन्न परीक्षासमेत सञ्चालन गरेको छ ।

नेपालका दूरदराजमा रहेका विद्यार्थीलाई अनलाइन कक्षामा समस्या नआओस् भन्ने उद्देश्यले अभिभावकको साथ, सहयोग तथा नेपाल टेलिकमको सहकार्यमा डाटा प्याकेज प्रदान गरेको छ ।

स्कुलको प्रयासलाई लिभिङ विथ आइसिटी टिमले उच्च कदर गरेकामा खुसी व्यक्त गर्दै प्रिन्सिपल होमनाथ आचार्यलेअवार्डले स्कुल परिवारलाई थप हौसला र जिम्मेवारी दिएको बताए ।

सम्बन्धित खबर