शुक्रबार, ०९ माघ २०७७
samadhannews
Baba Hardware Header add

पोखरा उद्योग वाणिज्य संघमा नारायण कोइराला विजयी

आइतबार, २६ पुष २०७७

समाधान संवाददाता, पोखरा

पोखरा उद्योग वाणिज्य संघको ३३ औं महाधिवेशनबाट अध्यक्षमा नारायण कोइराला विजयी भएका छन् । प्रतिस्पर्धी विन्दु कोइराला सुवेदीलाई ४१० मतले हराउँदै अध्यक्षमा नारायण विजयी भएका हुन् । आइतबार घोषणा गरिएको मतपरिणाम अनुसार नारायणले १३ सय ७५ मत पाउँदा बिन्दुले ९ सय ६५ मत ल्याइन् ।

नारायण अहिले संघमा वरिष्ठ उपाध्यक्ष र विन्दु उद्योगतर्फकी उपाध्यक्ष हुन् । नारायण दोस्रोपटक अध्यक्ष पदमा लडेका हुन् । ३१ औं महाधिवेशनमा ६ जनाबीच अध्यक्ष पदमा प्रतिस्पर्धा हुँदा उनी तेस्रो भएका थिए । त्यो महाधिवेशनमा विश्वशंकर पालिखे अध्यक्ष भएका थिए । त्यतिबेला नारायणले ४११ मत पाएका थिए ।

३३ औं अधिवेशनबाट संघमा ४ उम्मेदवार भने निर्विरोध भएका छन् । वरिष्ठ उपाध्यक्ष र ३ सदस्य निर्विरोध चुनिएका हुन् । पवनकुमार प्रजापति वरिष्ठ उपाध्यक्षमा निर्विरोध भएका हुन् । प्रजापति नारायण कोइरालाको प्यानलका उम्मेदवार हुन् । हर्कबहादुर अधिकारी र हरिहर सापकोटा कर्पोरेट सदस्यमा निर्विरोध भए । औद्योगिकतर्फको सदस्यमा हीरामणि पण्डित पनि सर्वसम्मत भएका हुन् ।

जसले प्यानलबिनै चुनाव जिते

चुनावमा नारायण र बिन्दुले आ–आफ्नै प्यानल घोषणा गरेका थिए । दुवै प्यानलमा नभएकाहरुले पनि चुनावमा राम्रो मतसहित विजयी भएका छन् । त्यसरी जित्नेमा उद्योगतर्फको उपाध्यक्ष गोकर्ण कार्की, कार्यसमिति सदस्यमा उत्तममान बुद्धाचार्य र सुदीप प्रधानांग छन् ।

स्वतन्त्र र निर्विरोधबाहेक चुनावमा नारायण कोइराला प्यानल हाबी देखियो । बिन्दु कोइराला प्यानलबाट कार्यसमिति सदस्यमा पवित्रादेवी गुरुङमात्रै विजयी भइन् । बाँकी पदमा सबै नारायण प्यानलका उम्मेदवार विजयी भएका छन् ।

सम्बन्धित खबर