बुधबार, ०८ बैशाख २०७८
samadhannews
सुष्मा र प्रतीक्षालाई पत्रकारिता पुरस्कार

सुष्मा र प्रतीक्षालाई पत्रकारिता पुरस्कार

बुधबार, १८ चैत २०७७

समाधान संवाददाता, पोखरा

सञ्चारिका समूह गण्डकी प्रदेशले प्रदान गर्दै आएको सञ्चारिका पत्रकारिता पुरस्कार २०७७ बाट यस वर्ष संस्थाका पूर्वअध्यक्ष सुष्मा पौडेललाई पुरस्कृत गरिने भएको छ ।

नेपाल पत्रकार महासंघ कास्की अध्यक्ष दीपेन्द्र श्रेष्ठको संयोजकत्वमा, ब्रोडकास्टिङ एसोसियसन नेपाल (बान) की केन्द्रीय महासचिव दुर्गा अधिकारी र नेपाल आदिवासी जनजाति पत्रकार समूह (फोनिज) गण्डकी प्रदेश अध्यक्ष एमबी आस्था मगर सदस्य रहेको छनोट समितिले पौडेललाई पुरस्कारका लागि सिफारिस गरेको हो ।

पोखरा किन्डर गार्डेनका संस्थापक प्रधानाध्यापक कमला प्रधानले २ लाख रुपैंयाको अक्षयकोष राखी यो पुरस्कार स्थापना गरेकी हुन् । पुरस्कारको राशि २५ हजार १ सय १ रुपैयाँ र सम्मानपत्र छ ।

यस्तै, गुरुङ ब्युटी एकेडेमी जर्नालिज्म अर्वाड २०७७ प्रतीक्षा शर्मालाई प्रदान गरिने भएको छ । सोही छनोट समितिले सञ्चारिका समूह गण्डकीले प्रदान गर्दै आएको यो पुरस्कारका लागि शर्मालाई सिफारिस गरेको थियो । कान्तिपुर दैनिकमा आवद्ध उनी सञ्चारिका स्याङ्जा सचिव हुन् ।

सौन्दर्य व्यवसायी चिनु गुरुङले गुरुङ ब्युटी एकेडेमीको नाममा यो पुरस्कार स्थापना गरेकी हुन् । पुरस्कारको राशि १० हजार रुपैयाँ र सम्मानपत्र छ ।

सम्बन्धित खबर