आइतबार, २६ बैशाख २०७८
samadhannews
Sanima Bank New year offer

बाराहीमा अभिभावक कक्ष

मङ्गलबार, ०७ बैशाख २०७८

समाधान संवाददाता, पोखरा ।

पोखरा महानगरपालिका वडा नम्बर ५ मालेपाटनको बाराही माध्यमिक विद्यालय एसएलसी ब्याच २०४५का विद्यार्थीले आकर्षक तथा आधुनिक अभिभावक कक्ष निर्माण गरेका छन् ।

स्वदेश तथा विदेशमा रहेका ३८जना विद्यार्थीले ५लाख ७५ हजार रुपैयाँको लागतमा कक्ष निर्माण गरेको विद्यालयका पूर्व विद्यार्थी तथा पोखरा महानगरपालिका वडा नम्बर ५का अध्यक्ष धनबहादुर नेपालीले जानकारी दिए । विद्यालयका पूर्व विद्यार्थी तथा बाराही रत्न डा भरत खत्रीले कक्षको उद्घाटन गरे ।

अध्यक्ष नेपालीले अहिलेसम्म विद्यालयमा आउने अभिभावकको लागि बस्ने व्यवस्था नभएको उल्लेख गरे । उनले अभिभावकलाई व्यवस्थित रुपमा बस्ने ठाउँ नहुँदा विद्यार्थी तथा शिक्षकलाई अफ्टेरो परेको बताए । ‘अब घामपानीबाट जोगिएर शान्त र व्यवस्थित ठाउँमा अभिभावक र विद्यार्थी बीच कुराकानी गर्ने वातावरणको सिर्जना भएको छ,’उनले भने, ‘अब अभिभावकलाई बस्तोवस्तले राखेर उहाँहरुको कुरा सुन्न सहज भएको छ ।’

निर्माण समितिका संयोजक डा चैतन्यराज अधिकारीले समूहले आगामी दिनमा समेत विद्यार्थीको भौतिक तथा शैक्षिक विकासमा सहयोग गर्ने बताए । कार्यक्रममा बाराही पूर्व विद्यार्थी मञ्चका अध्यक्ष शिवराज बराल, पुर्व विद्यार्थी सुनिल उलक, प्रकाश बज्राचार्य, किशोर श्रेष्ठ लगायतले अभिभावक कक्षबारे बोलेका थिए । सो समूहले मानव सेवाको क्रममा रुपन्देहीको तिलोत्तमा नगरपालिकामा १ लाख १६ हजारको लागतमा अनाथालय निर्माण गरेको छ ।

सम्बन्धित खबर