आइतबार, २६ बैशाख २०७८
samadhannews
Sanima Bank New year offer

बार्साकाे संघर्षपूर्ण जित, दुवै मड्रिडलाई खतरा

सोमबार, २० बैशाख २०७८

एजेन्सी

सिजनको अन्तिम चरणका खेल नजिकिँदै जाँदा आफूलाई पनि उपाधि दाबेदारका रुपमा कायम राखेको बार्सिलोनाले संघर्षपूर्ण जित दर्ता गरेको छ ।

स्पेनिस ला लिगा फुटबल अन्तर्गत आइतबार राति अवे मैदानमा भएको खेलमा बार्सिलोनाले भ्यालेन्सियामाथि ३–२ को जित दर्ता गरेको हो ।

पहिलो हाफमा दुवै तर्फबाट गोल हुन नसकेको खेलमा दोस्रो हाफमा समग्रमा पाँच गोल भएको हो । बार्सिलोनाका लागि लियोनल मेस्सीले दुई तथा एन्टोनी ग्रिजम्यानले एक गोल गरे ।

भ्यालेन्सियाका लागि गाब्रिएल र कार्लोस सोलेरले एक–एक गोल गरेका हुन् । ५० औँ मिनेटमा गाब्रिएल र ८३ औँ मिनेटमा सोलेरले गोल गरेका थिए ।

बार्सिलोनाका लागि मेस्सीले ५७ र ६९ औँ तथा ग्रिजम्यानले ६३ औँ मिनेटमा गोल गरेका हुन् । दुई गोल गरेका मेस्सीले पेनाल्टीमा भने गोल गर्न सकेनन् ।

जितपछि तेस्रो स्थानको बार्सिलोनाको ३४ खेलबाट ७४ अंक भएको छ । दोस्रो स्थानको रियल मड्रिड समान अंक छ । शीर्ष स्थानको एथ्लेटिको मड्रिड दुई अंकले अघि रहेको छ ।

बार्सिलोनाले आउँदो शनिबार महत्वपूर्ण खेलमा शीर्ष स्थानको एथ्लेटिको मड्रिडसँग प्रतिस्पर्धा गर्ने छ ।

सम्बन्धित खबर