आइतबार, २६ बैशाख २०७८
samadhannews
Sanima Bank New year offer

इन्टर मिलानललाई ११ वर्षपछि घरेलु लिगको उपाधि

सोमबार, २० बैशाख २०७८

एजेन्सी

इटालियन फुटबल क्लब इन्टर मिलानले ११ वर्षपछि घरेलु लिगको उपाधि जितेको छ ।

दोस्रो स्थानमा रहेको एट्लान्टाले आइतबार राति भएको खेलमा सासुओलोसँग १–१ को बराबरी खेलेपछि इन्टर मिलानले चार खेल बाँकी हुँदै सिरी ए को उपाधि पक्का गरेको हो ।

शनिबार राति भएको खेलमा क्रोतोनेलाई पराजित गरेको इन्टर मिलानले १३ अंकको अग्रता कायम गरेको छ र बाँकी चारै खेलमा पराजित भए पनि उसलाई कुनै पनि टिमले उछिन्न सक्ने छैनन् ।

इन्टर मिलानले सन् २०१० पछि पहिलोपटक उपाधि जितेको हो भने उसले विगत ९ सिजनदेखि लगातार उपाधि जित्दै आएको युभेन्टसको क्रम पनि भंग गरेको छ ।

जोसे मोरिन्होको प्रशिक्षणमा इन्टर मिलानले पछिल्लो पटक सन् २०१० मा सिरी ए तथा च्याम्पियन्स लिगको उपाधि जितेको थियो । अहिले एन्टोनिओ कान्तेको प्रशिक्षणमा इन्टर मिलानले उपाधि जितेको हो ।

सम्बन्धित खबर