आइतबार, २६ बैशाख २०७८
samadhannews
Sanima Bank New year offer

खिमविक्रम शाही अस्पतालबाट होटलमा सारिए

मङ्गलबार, २१ बैशाख २०७८

समाधान संवाददाता, पोखरा

कोरोना संक्रमण भएर चरक मेमोरियल अस्पतालमा उपचाररत राष्ट्रिय जनमोर्चाका सांसद खिमविक्रम शाहीलाई होटलमा सारिएको छ । स्वास्थ्य अवस्थामा सुधार आएपछि उनलाई आइतबार बेलुका होटलमा सारिएको हो ।

१५ वैशाखमा एकाएक सञ्चो नभएपछि उनलाई चरक मेमोरियल अस्पताल पु¥याइएको थियो । अस्पतालमा उनलाई आइसियुमा राखेर उपचार गरिएको थियो । उनको सोही दिन गरिएको कोरोना परीक्षण रिपोर्ट पोजेटिभ आएको थियो ।

सो दिन गण्डकी प्रदेशका मुख्यमन्त्री पृथ्वीसुब्बा गुरुङका विरुद्ध दर्ता भएको अविश्वास प्रस्तावमा मतदान हुने कार्यसूची थियो ।

तर निर्णायक भनिएको जनमोर्चाका सांसद खिमविक्रम एकाएक ‘अज्ञात’ भएपछि सदन रोक्न जनमोर्चाले निवेदन दिएको थियो । दलकी सचेतक पियारी थापाले शाहीको अवस्थाबारे थाहा नभएको र खोज्न भन्दै निवेदन दिएकी थिइन् ।

संसद भने अहिलेसम्म चल्न सकेको छैन । सभामुख नेत्रनाथ अधिकारीले आज दलका नेताहरुसँग छलफल गरेर सदनलाई निकास दिने तयारी थालेका छन् ।

सम्बन्धित खबर