शनिबार, २९ जेठ २०७८
samadhannews
Sanima Bank New year offer

कास्की कारागारमा क्वारेन्टिन

आइतबार, २६ बैशाख २०७८

समाधान संवाददाता, पोखरा

कोरोना भाइरसको दोस्रो लहरको प्रकोप बढेसँगै कास्की जिल्ला कारागारमा क्वारेन्टिन बनाइएको छ ।

कारागारको ३ ब्लकमा २÷२ कोठामा क्वारेन्टिन बनाइएको जेलर कास्की कारागार प्रमुख काजीमान सुनारले जानकारी दिए ।

थुनुवा राख्न ल्याइएका, बिरामी भएका कैदीहरुलाई राख्ने गरी क्वारेन्टिन बनाइएको सुनारले बताए । ‘कोही बिरामी भयो भने, अथवा थुनुवा ल्याइयो भने क्वारेन्टिनमा राख्ने गरी व्यवस्था गराएका छौं,’ सुनारले भने ।

कारागारमा कैदीबन्दी भेटघाट पनि रोकिएको छ । बाहिरबाट सामान लैजान पनि प्रतिबन्ध लगाइएको सुनारले बताए । मेडिकल सामग्री बाहेक अरु सामग्रीमा रोक लगाइएको हो । ‘भेटघाट गर्ने, सामानभित्र ल्याउने जस्ता काम पनि रोकिदिएका छौं,’ उनले भने ।

४ सय २० जना राख्ने क्षमता भएको कारागारमा अहिले ७२ महिलासहित ८ सय ९८ जना कैदीबन्दी छन् । कारागारभित्र भौतिक दूरी कायम गर्न गाह्रो हुने, मास्क, पञ्जाको व्यवस्था उपलब्ध नहुने भएकाले विशेष सतकर्ता अपनाइएको जनाइएको छ ।

सम्बन्धित खबर