मङ्गलबार, १२ साउन २०७८
samadhannews
Sanima Bank New year offer

भोलि विश्वासको मत लिनुपर्ने मुख्यमन्त्री मनाङमै अड्किए

बिहिबार, ०३ असार २०७८

समाधान संवाददाता, पोखरा

बाढीग्रस्त क्षेत्र मनाङको स्थलगत अवलोकनका लागि नेपाली सेनाको हेलिकोप्टरमा आज मनाङ गएका गण्डकी प्रदेशका मुख्यमन्त्री कृष्णचन्द्र पोखरेल अझै फर्केका छैनन् । मौसम सफा नहुँदा उनलाई लिएर फर्कनुपर्ने हेलिकोप्टर मनाङमा ल्यान्ड हुनै सकेन ।


प्रदेश सभामा भोलि शुक्रबार मुख्यमन्त्री पोखरेलले विश्वासको मत लिने कार्यक्रम छ । ४ असारमा विश्वासको मत लिने भनेर कांग्रेस संसदीय दलले प्रदेश सभामा हिजो बुधबार नै प्रदेश सभा सचिवालयमा पत्र दिइसकेको छ ।


प्रदेश सभामा विश्वासको मत सम्बन्धी प्रस्ताव मुख्यमन्त्री आफैंले पेस गर्नुपर्छ । तर उनी आज अझै फर्कन पाएका छैनन् । उनीसँगै अरु २ सांसद पनि मनाङमै अड्किएका छन् । ७ जनाको टोली मुख्यमन्त्री नेतृत्वमा मनाङ गएको थियो । सांसदद्वय राजीव गुरुङ ऊर्फ दीपक मनाङे र चिन्तबहादुर घले पनि टोलीमा छन् ।

मुख्यमन्त्री पोखरेल बिहीबार दिउँसो नेपाली सेनाको हेलिकोप्टरबाट मनाङ गएका थिए । सेनाको हेलिकोप्टर उद्धारको अरु काम गरेर फर्कियो । मुख्यमन्त्रीलाई लिन भने प्रभु एयरको हेलिकोप्टर मनाङ गएको छ । मनाङको बगर छापका लागि उडेको हेलिकोप्टर मौसम सफा नहुँदा ल्यान्ड हुन नपाएको हो ।

पोखराबाट गएको हेलिकोप्टर मनाङमा ल्यान्ड हुन नसकेपछि फेरि पोखरै फर्किएको छ ।

सम्बन्धित खबर