शनिबार, १६ साउन २०७८
samadhannews
Sanima Bank New year offer

मौसम प्रतिकूलताका बावजूद मुस्ताङमा १४ सय ५२ जनाले लगाए कोरोना विरुद्ध खोप

शनिबार, ०५ असार २०७८

सुन्दर थकाली \जोमसोम

मौसम प्रतिकुलताका बावजूद हिमाली जिल्ला मुस्ताङमा एक हजार ४ सय ५२ जना नागरिकले कोरोना बिरुद्धको दोश्रो डोज खोप लगाएका छन् ।
गत आईतबार देखि मुस्ताङमा निरन्तर परेको अविरल वर्षाले खोप कार्यक्रमलाई आशिंक अवरुद्ध तुल्याएपनि मुस्ताङका ५ वटै स्थानीय तहले खोप कार्यक्रम निरन्तरता दिएको जिल्ला स्वास्थ्य कार्यालय मुस्ताङले जनाएको छ ।
मुस्ताङका सबै स्थानीय तहमा गत फागुनको चौथो हप्तामा ५५ वर्ष उमेरदेखि माथिका नागरिकलाई कोरोना बिरुद्धको पहिलो कोभिशिल्ड खोप लगाईएको थियो । यसपटक कोरोना बिरुद्ध पहिलो खोप लगाईएकालाई मुस्ताङका सबै स्थानीय तहले एकैसाथ असार १ गतेदेखि कोरोना बिरुद्धको खोप लगाउने अभियान सुरु गरेको जिल्ला स्वास्थ्य कार्यालय मुस्ताङका प्रमुख टिकाराम भण्डारीले जानकारी दिए ।
स्वास्थ्य प्रमुख भण्डारीका अनुसार मुस्ताङमा कोरोना बिरुद्ध पहिलो खोप लगाएका ७ सय ७ जना पुरुष र ६ सय ९८ जना महिला गरी एक हजार ४ सय १५ जना नागरिकले खोप लगाईसकेको बताए । मुस्ताङमा कोरोना बिरुद्ध पहिलो डोज कोभिशिल्ड खोप लगाउँदा शुक्रबारसम्म ८८ प्रतिशत औसत प्रगति भएको स्वास्थ्य प्रमुख भण्डारीले उल्लेख गरे ।

यस्तै ,कोरोना बिरुद्ध पहिलो खोप लगाउन छुटेका नागरिकलाई यसपटक भेरो सिल खोप लगाईको छ । स्वास्थ्य कार्यालयका अनुसार मुस्ताङमा ३१ पुरुष र १६ महिलाले भेरो सिल खोप लगाएका छन् ।
जिल्ला स्वास्थ्य कार्यालय मुस्ताङले कोरोना बिरुद्धको खोप अभियानमा अविरल वर्षाका कारण खोप ढुवानी र खोप लगाउन आउने नागरिकलाई खोप केन्द्रसम्म आउजाउमा कठिनार्य भएको बताएको छ । प्रदेश जनस्वास्थ्य निर्देशानालय अन्तर्गत प्रदेश स्वास्थ्य आपूर्ति केन्द्रबाट मुस्ताङमा खोप ढुवानी गर्न अविरल वर्षाले अवरुद्ध तुल्याएको स्वास्थ्य कार्यालय मुस्ताङले उल्लेख गरेको छ । लगातारको वर्षाले मुस्ताङका शाखा नदीहरुको बाहव उच्च भएको र बेनी—जोमसोम सडकमा ठाउँ—ठाउँमा बाढी ÷पहिरो र नदी कटानले सडक अवरुद्ध हुँदा खोप ढुवानीमा समस्या परेको छ ।

खोप अभियानका स्वास्थ्यकर्मी


हिमाली जिल्ला मुस्ताङमा कुल संक्रमितको संख्या ४ सय ४६ जना रहेकोमा ३ सय ८ जना व्यक्ति कोरोना मुक्त भएका छन् भने १५ जना व्यक्तिको मृत्यु भएको जिल्ला स्वास्थ्य कार्यालय मुस्ताङले जनाएको छ । जसअन्तर्गत मुस्ताङको घरपझोङमा १ सय ४२ जना मध्ये १ सय ३ जना ,थासाङमा १ सय २६ जना मध्ये ७७ जना ,वारागुङ मुक्तिक्षेत्रमा १ सय ५१ ज्नामा १ सय २४ जना र लोमान्थाङमा २६ जना मध्ये १० जना व्यक्ति कोरोनामुक्त भएका छन् ।

यस्तै ,लामो समयसम्म कोरोना सुन्य रहेको लोघेकर दामोदरकुण्ड गापामा शुक्रबार १ जना व्यक्तिमा कोरोना पोजेटिभ भेटिएको स्वास्थ्य कार्यालयले जनाएको छ ।
मुस्ताङमा गत बैशाख १६ गते देखि यता २ सय ३० जनाको पिसीआर परीक्षण गरिएकोमा १ सय ११ जनामा कोरोना पुष्टि भएको थियो भने २ हजार ३ सय ११ जनाको एन्टिजेन परीक्षण गरिएकोमा ३ सय ३२ जनामा कोरोना संक्रमण देखिएको थियो ।

मुस्ताङमा हाल सक्रिय कोरोना संक्रमितको संख्या ९६ रहेको जनाईएको छ ।

सम्बन्धित खबर