शनिबार, १६ साउन २०७८
samadhannews
Sanima Bank New year offer

माझठानाका पूर्व प्रधानपञ्च भुर्तेलको निधन

शनिबार, ०५ असार २०७८

समाधान संवाददाता, पोखरा


तत्कालीन माझठाना गाउँ पञ्चायतका पूर्व प्रधानपञ्च तथा समाजसेवी प्रजापति भुर्तेलको निधन भएको छ । ४ दिनअघि मनिपाल अस्पताल भर्ना गरिएका उनको उपचारकै क्रममा उक्त अस्पतालमा शुक्रबार निधन भएको हो । उनी ८१ वर्षका थिए ।


हाल पोखरा महानगरपालिका वडा नम्बर २८ स्याङ्खुदी निवासी भुर्तेलको सेतीनदीको रामघाटमा अन्तिम संस्कार गरिएको छ । विक्रम संवत १९९८ कात्तिक ४ गते भुर्तेल गाउँमा जन्मिएका उनी गाउँ पञ्चायतको प्रधानपञ्चका अलावा रत्नशोभा मावि विद्यालय व्यवस्थापन समिति र भुर्तेल प्राविको विद्यालय व्यवस्थापन समिति अध्यक्ष भएका थिए ।

शिशुवा—स्याङ्खुदी मोटर बाटो निर्माण समिति अध्यक्ष र भुर्तेल बन्धु समाज नेपालका कास्की अध्यक्ष समेत भएका उनी भुर्तेल कुल मन्दिर निर्माण उपसमिति संयोजक पनि थिए । नेपाली कांग्रेसको क्रियाशील सदस्य रहेका उनी समाजसेवामा उत्तिकै सक्रिय थिए । उनका २ श्रीमती, ६ छोरी र ३ छोरा छन् ।

सम्बन्धित खबर