सोमबार, १८ साउन २०७८
samadhannews
Sanima Bank New year offer

सानिमा लाइफ इन्स्योरेन्स र मानुषी लघुवित्तको साधारण सेयर आउँदै

शुक्रबार, ०१ साउन २०७८

समाधान संवाददाता, काठमाडौं

नेपाल धितोपत्र बोर्ड (सेबोन) ले साधारण सेयर (आइपिओ) निष्कासन गर्न विभिन्न २ वटा कम्पनीलाई अनुमति प्रदान गरेको छ । बोर्डले सानिमा लाइफ इन्स्योरेन्स कम्पनी लिमिटेड र मानुषी लघुवित्त वित्तीय संस्था लिमिटेडलाई आइपिओ निष्कासन गर्न अनुमति दिएको हो ।

सानिमा लाइफ इन्स्योरेन्स कम्पनी लिमिटेडले साधारण सेयर (आइपिओ) निष्कासन गर्न अनुमति माग्दै जेठ ९ गते आइतबार नियामक निकाय नेपाल धितोपत्र बोर्ड (सेबोन) मा निवेदन पेस गरेको थियो । कम्पनीले प्रतिकित्ता १०० रुपैयाँ दरमा ६० लाख कित्ता आइपिओ निष्कासन गर्न निवेदन पेश गरेको हो । कम्पनीको उक्त आइपिओमा निष्कासन तथा बिक्री प्रबन्धकको काम प्रभु क्यापिटल लिमिटेडले गर्नेछ ।

कम्पनीको जेठ २३ गते, आइतबार सम्पन्न भएको तेस्रो वार्षिक साधारण सभामा धितोपत्र दर्ता गरी आइपिओ निष्कासन गर्ने विशेष प्रस्ताव पारित गरिएको थियो ।

मानुषी लघुवित्त वित्तीय संस्था लिमिटेडले साधारण सेयर (आइपिओ) निष्कासन गर्न अनुमति माग्दै वैशाख १३ गते नियामक निकाय नेपाल धितोपत्र बोर्ड (सेबोन) मा निवेदन पेस गरेको थियो । संस्थाले प्रतिकित्ता १०० रुपैयाँ दरमा ३ करोड ९३ लाख ७५ हजार रूपैयाँ बराबरको ३ लाख ९३ हजार ७ सय ५० कित्ता आइपिओ निष्कासन गर्न निवेदन पेश गरेको हो ।

सम्बन्धित खबर